Wednesday, July 11, 2012

संस्मरणीय जून - १

हा महिना खूप प्रवास झाला. जवळ जवळ प्रत्येक विकांताला फिरत होतो. ताडोबा,
माथेरान, मावशीचे गाव बदगी आणि हेमचन्द्रांच्या लग्नासाठी भुसावळ.

ताडोबा
महिन्याची सुरुवातच धडाक्यात झाली.
जूनच्या १ तारखेला सकाळी आमची रेल्वे वर्धा स्टेशन ला लागली. ज्या जंगलाचा उल्लेख अगदी पहिली दुसरीपासून ऐकतोय, तिथे आम्ही आता ३ दिवस घालवणार याची जाम उत्सुकता होती. वाघ बघायचा हे तर मनात होतेच. पण कुठेतरी अपेक्षाभंगाची भीती होती. म्हणून मनाची तयारी केली की वाघ बघण्यासाठी नाही तर एक परिकथेतले वृक्षराजींनी भरलेले जंगल बघायला चाललोय.

मी, मुस्तफा आणि ऋषिकेश चा युवाशक्ती बरोबरचा पहिला प्रवास. आमच्या चोवीस जणांच्या ग्रुप होता. वयोगट अंदाजे १५ ते ७५. आमच्या बरोबर दोन अनुभवी लीडर्सही होते.
पहिला दिवस वर्धा ते ताडोबा हा प्रवास करण्यात आणि ताडोबाच्या बफर झोन मध्ये फिरण्यात गेला. ताडोबा हे आता 'ताडोबा अंधारी व्याघ्र प्रकल्प' म्हणून ओळखले जाते. आम्ही अंधारीत एका रिसोर्टमध्ये उतरलो होतो.
रात्री एकमेकांच्या ओळखी झाल्यावर आम्हाला लवकर उठायचे म्हणून लीडर्स ने सूचना दिल्या. विदर्भात मी पहिल्यांदाच आलो होतो, जाम गरम होत होते. त्यात आम्हा सर्व १४ मुलांना एकच छोटे डॉर्म दिले होते. (हा एवढा भाग सोडला तर बाकी सर्व व्यवस्था चोख होती). त्या रात्री नीट झोप नाही आली, पण सकाळी लवकर उठून जंगलामध्ये जाण्याच्या उत्सुकतेपोटी की उकाड्यामुळे माहीत नाही.

सकाळी ४ वाजता उठून, अंघोळ सोडून बाकीचे कार्यक्रम उरकल्यावर आमचे ६-६ जनांचे ग्रुप केले आणि जिप्सी मध्ये बसून प्रवास चालू झाला. कोअर झोन मध्ये शिरल्यावर साधारण २ किलोमीटर अंतरावर गव्यांचा कळप दिसला. अगदी राजबिंड जनावर! पण वाघापेक्षा आक्रमक.
यार या स्पीडने लिहीत राह्यलो तर हा पोस्ट काय छापून होणार नाही.. बास.. डीटेल्स नंतर.
रानगवा
१. ताडोबा अंधारी ६२५ स्क्वे.कि.मी. चा परिसर. आतली काही गावे आता पुनर्वसन करून इतरत्र हलवलीयेत.
२. व्याघ्र प्रकल्पात २ मोठी तळी आहेत.
३. वाघ, रानडुक्कर, हरीण, भेकर, बिबटे, रान कुत्रे, गवे, अस्वले, मगर इ. प्राणी आहेत. पैकी बिबटे सोडून सर्व प्राण्यांचे बऱ्याच जणांना दर्शन झाले. बरेच वाघ आहेत.
४. कधी न पाहिलेले पक्षी आहेत.
वाघाच्या पाउलखुणा. वाघाला एकदा खुल्या जंगलात फिरताना पाहाच. अन्नसाखळीत सर्वात वरच्या स्थानावर असल्यामुळे की देवदत्त सामर्थ्यामुळे आलेली ती बेफिकरी, तो माज, त्याची सम्राटाला लाजवेल अशी चाल.वाघ एवढा आयकॉनिक का, याचे उत्तर त्यात आहे. तो येतो म्हणून आसपासचा इतर कुठलाही प्राणी, पक्षी, माकडापासून हरणापर्यंत चीत्कार करतो. त्याची तास तास वाट पहावी, पशुपक्षांच्या मुजर्याने त्याच्या येण्याची नांदी व्हावी, समोरच्या झुडुपातून त्याची सोनेरी कांती झळकावी, आणि तो बाहेर आला की श्वास रोखून डोळ्यात ते ध्यान टिपावे. स्वर्ग स्वर्ग तो आणखी काय बाप्पा? Tadoba (Chandrapur MH) 1st-4th June.

आम्ही ३ तासांची एक अशा २ दिवसात सकाळ संध्याकाळ ४ फेऱ्या केल्या कोअर झोन मध्ये. आणि एक अनियोजित ट्रीप बफर झोन मध्ये निघायच्या दिवशी. उन चिक्कार होते आणि जंगलाचे रस्ते धुळीने माखलेले.
प्रत्येक फेरीत जंगलाच्या वेगवेगळ्या भागात जवळ जवळ ३० किलोमीटर ची रपेट होई आणि वाघ व इतर प्राणी यांचे विलोभनीय दर्शन झाले.
ताडोबाचा मुगुटमणी - शिवाजी. त्याची डरकाळी याची देही याची डोळा पाहिली/ ऐकली

येडाअण्णा च्या वाटेवर डोळे.

Two of the 18 months old quadruple. These 4 siblings haven't defined their area of dominance yet. They wander all over the forest as a unit. Sometimes enter into territories of "Yeda Anna" and "Shivaji". Once old enough they will part ways with each other and have to fight the survival battles. Tadoba (Chandrapur MH) 1st-4th June

ही ट्रीप म्हणजे माझ्या संस्मरणीय सहलीपैकी एक झाली यात शंका नाही कारण शीर्षासन निघाले. अरुणाचल-आसाम मध्ये काझीरंगा आणि तवांग ला फिरल्यावर मनी निश्चित केले कि मला आवडलेल्या ठिकाणी मी शीर्षासन करून फोटो काढून घेणार. तसे माझा अल्बम ने बाळसे धरायला सुरुवात केलीये. तवांग जवळ से ला पास, हम्पी आणि ताडोबा असे तीन शीर्षासन आलेले आहेत.

5 comments:

  1. Nice compilation!

    Yes, Tadoba was one of the most memorable trip ever. Just few moments of witnessing the Shivaji charge was paisa vasool. No doubt.
    But still for me, the first sighting of Yeda Anna(Oldest tiger of Tadoba) is what first comes to mind. As it was the first encounter with wild tiger for me.
    And of-course, the incidence of our jeep running out of fuel in Tadoba and we having to wait for an hour or so, and the anticipation of seeing the tiger and joking around.

    P.S like to point out one tech mistake: we were 14 gents in dorm and not 18. As always I am up for a bet here(how @ beer) ,;)

    ReplyDelete
  2. Shivaji cha photo jara motha pahije hota. baki mastach.

    ReplyDelete
  3. हेमंत,
    चित्रांवर क्किक करून बघा.
    याच्यापेक्षा मोठे हवे असेल तर त्याची व्यवस्था केली जाईल.
    मुस्तफा,
    चूक लक्षात आली आहे. दुरुस्त पण केली आहे.

    ReplyDelete
  4. अरे व्वा.. मस्तच...

    वाघ बघताना खरंच सगळं विसरायला होतं...

    Pugmarks चा फोटो सगळ्यात जास्त आवडला...

    अजून मोठा लेख नक्की चालला असता... !! :)

    -- काय वाट्टेल ते

    ReplyDelete

अभिप्रायासाठी अनेक आभार!