Monday, October 24, 2011

आली एकदाची..

काल बँगलोर च्या मेट्रो ने प्रवास केला. प्रवास केला म्हणजे, एका स्टेशन वरून चढलो, दोन स्टेशन सोडून उतरलो, आणि परत विरुद्ध बाजूने चढून प्रारंभीच्या स्टेशन वर आलो. थोडक्यात गाडी गाडी खेळलो. गेली पाच वर्षे जिची बंगळूरकर आतुरतेने वाट पाहत होते तिचा पहिला टप्पा सुरु झाला या आठवड्यात; आणि लोकांनी आपली लाडकी मेट्रो बघायला रजनीकांतच्या सिनेमाला होते तशी गर्दी केली. रविवार ची सुट्टी साधून काही मंडळी सहकुटुंब या चमत्काराला पाहायला आली होती. जशी स्टेशन वर एन्ट्री घ्यायची तशी आरोळ्या आणि शिट्ट्या मारून आनंद व्यक्त करत होते.
माझाही हा पहिलाच मेट्रो प्रवास होता. मी दिल्ली मेट्रो नाही अनुभवली त्यामुळे मलाहि तिचे अप्रूप होतेच.






या शहराने अक्षरश: हाल सहन केले आहेत हा दिवस पाहण्यासाठी. पूर्ण बँगलोर खोदलेले, अशक्य ट्रॅफिक, प्रत्येक रस्त्यावर मेट्रोचे खांब टाकायचे काम चालू, रस्ता धुळीने माखलेला अशी अवस्था प्रत्येक मुख्य मार्गांची. अजूनही कामे चालूच आहेत. मी स्वतः अनुभवलेली गोष्ट म्हणजे ८-१० किमी जायचे असेल तरी नको नको व्हायचे. बरं इथली ट्रॅफिकच वेगळी.. हे रुंद रोड पण एकदा अडकले तर ५-५, १०-१० मिनिटे गाडी हलवता पण येत नाही. बऱ्याच ठिकाणी गटारे उघडीच असल्याने असह्य वास. अशा परिस्थितीत जिच्यासाठी हे सर्व सहन केले ती रुळावर बघून जल्लोष होणार नाही तर काय?

महात्मा गांधी रोड वरच्या स्टेशन वर कौतुकाने फोटो काढून घेणारे काका काकू.

अभिमान वाटला हिला बघून. स्मरणिका म्हणून तिचे एक रिचार्जेबल तिकीट घेतले.

3 comments:

  1. This comment has been removed by the author.

    ReplyDelete
  2. Mustafa said...
    Pics r cool...Recently I experienced Delhi Metro, though cud not shoot cool pics, I have one video to capture its essence.
    Its from Chandani chawk to New Delhi.

    http://www.youtube.com/watch?v=Zma2giqYx8k

    ReplyDelete
  3. लिंक पाहिली.. गुपचूप काढलाय बहुतेक विडीओ..lol

    ReplyDelete

अभिप्रायासाठी अनेक आभार!